📜 Новкъара Вохавахь
Стихотворение на чеченском языке. О вере, о Г1иллакхе, о чести и о пути к Всевышнему. Поэма-наставление о том, как не сбиться с правильной дороги.
1.
Делаца гергарло д1атаса дагдеъна,
Жайнаш а, Къуръан а, хьо деша ва воьлчи,
Къевлина б1аьргаш схьа, Къуръано дилличи,
Хьуо Дэла ву моттий, кура ма валалахь.
2.
Ткъа кура хьо ваьлла айдина къамел деш,
Хьо эшон г1ертараш, Г1иллакхах ва бохахь,
Хьуо Эла вуй хууш, хьуо цаьрца ца нислуш,
Г1иллакхца лакхе юй, хууш къамел делахь.
3.
Бакъдериг Г1иллакхца г1ертарах хьо дийца,
Дарбанца нахана, Г1о дан хьо г1оьртичи,
Хьайха нах ца кхеташ, Тешамах вохийчи,
Б1аьргаш схьа диллинчу Къуръан чу хьажалахь.
4.
Айхьа г1елдина Са, Къуръано дузийча,
Юха а х1ара дуьне, дош доций ва хиъча,
Къинт1ера валарца ойла хьайн д1а ц1анъяй,
Цу Дэлан ойланех хьайн ойла тасалахь.
5.
Цу Дэлан ойланца хьуо тайна ва ваьлчи,
Нийсачу новкъара ца лаахь д1авала,
Хьайн коьртах вон ойла, чу г1ерта ва йоьлчи,
Хьайх хьайна Эхь хетий, и коьртах яккхалахь.
6.
Муьлхха а вон х1ума ахь стагах дийцичи,
Эладита ахь дарна, Эхь хетий ц1ий лолахь,
Нах хестош хьо хилахь, шаьш хестор дог дохуш,
Хьо волчу х1усаме нах г1ертий хаалахь.
7.
Накъосто ма г1атта пурба дац ва аьлчи,
Дехаре ладог1ий хьо хаий ма 1елахь.
Ахь пурба ца делла, хьайн доьхьа меттах хьа,
Ас лоьрург Дэла ву, алий хьала г1атталахь.
8.
Нахана ца гург а Далла гуш ду хьуна,
Хьо воцург х1ара дуьне, Ша Дэла ву хьуна,
Цу Дэлан Г1иллакхех, цкъа а хьо ца вохахь,
Цу Дала Шен къайлеш хоуьйтур ю хьуна.
9.
Дуьнено хьайх тешна хьуо ирах айъичи,
Хьайх тешна адамаш, хьо дицдай ма 1елахь,
Даарах вуьзина, хьуо метта ва ваьлчи,
Хьайх тешначу адамийн ахь хьал ма дицделахь.
10.
Кху хазчу дуьненахь х1уъаъ ахь лелийнарг,
Ца хууш динчунна, гечдина ду хьуна.
Хуушехь вон дераш, ахь х1инца леладахь,
Бекхамца цу Дала ч1ир оьцур ю хьуна.
11.
Х1ай хьоме къонаниш бахам дош дац шуна,
Мел дукха хиларах, шу 1ебар дац шуна.
Аш мерза йоккху хан, Ялсмане ю шуна.
Ийг1ина йоккху хан, жоьжхате ю шуна.
12.
Шалхенаш аш йуьйцуш ц1ена дог шайн бехдахь,
Цу къеллин къаьхьа кад, аш муьйлур бу шуна.
Дог ц1ена цхьа къамел, даима шун хилахь,
Дуьненан бахамах шу дузур ду шуна.
💬 Комментарии
Пока нет комментариев. Будьте первым!